Modern.az

Ruslar Xankəndiyə silah daşıyır? - Ekspertdən iddia

Ruslar Xankəndiyə silah daşıyır? - Ekspertdən iddia

Qarabağ

2 Mart 2023, 13:40

Laçın-Xankəndi yolunda Ermənistanın ekoloji cinayətlərinə qarşı etiraz aksiyası 81 gündür davam edir. Aksiyanın keçirildiyi ərazi humanitar məqsədlər üçün açıqdır, sərbəst hərəkətə heç bir maneə yoxdur.

 

Gün ərzində Rusiya sülhməramlı qüvvələrinin və Beynəlxalq Qızıl Xaç Komitəsinin (BQXK) onlarla avtomobili Laçın yolundan Xankəndiyə və əks istiqamətə hərəkət edir. Rusiya hərbçiləri Xankəndiyə humanitar yardım apardığını iddia etsə də, bir sutkada onlarla maşının Xankəndiyə keçməsi şübhə doğurur. 

 

Maraqlıdır, rus sülhməramlıları Xankəndiyə nə aparır? 

 

Bu barədə Modern.az-a danışan hərbi ekspert Üzeyir Cəfərov bildirib ki, sülhməramlılar humanitar yardım adı altında yük maşınları ilə separatçılara silah daşıyır. 


"Heç kimin şübhəsi yoxdur ki, rus sülhməramlıları separatçılara silah aparır. Bununla bağlı bir neçə dəfə dövlət tərəfindən açıqlama verilib. Sadəcə Rusiya gördü ki, Azərbaycana təsir etmə imkanları zəifləyib, ona görə də bu cür addımlar atır. Bunun qarşısı alınmasa, gələcəkdə başqa hərəkətlər də edə bilərlər. Hər gün çox sayda yük maşını nə daşıya bilər?!" - deyə ekspert bildirib.

 

 

Ehtiyatda olan polkovnik iddia edir ki, Rusiya Qarabağda bizneslə məşğuldur:

 

"Sülhməramlılar orada taksi fəaliyyəti ilə məşğuldur. Ermənilərin Qarabağdan çıxarılması və gətirilməsi üçün 1000 dollar pul alırlar. Bu məlumatları biz deyil, erməni tərəfi yayıb. Qarabağa gələn rus sülhməramlılarının yük avtomobillərində minalar və silahlar gizlədilir. Həmin silahlar separatçılar üçün daşınır. Rusiyanın XİN başçısı Sergey Lavrov Bakıda dəxlisiz fikirlər səsləndirmək əvəzinə, bu cür məsələlərə aydınlıq gətirməli idi. 2021-ci ildə Ermənistanda istehsal olunan minalar Qarabağda necə peyda ola bilər? Bu minaları Rusiya sülhməramlılarından başqa kim bizim ərazimizə gətirə bilər? Qarabağda separatçılar tərəfindən 24 yeni hərbi obyekt yaradılıb. Rus sülhməramlıları isə bunu yalnız seyr edir. Heç kim zəmanət verə bilməz ki, həmin obyektlərdən bizim əsgərlərimizə atəş açılmayacaq. Məncə, bütün bunların qarşısını almaq üçün Azərbaycan dərhal Qarabağda nəzarət postları yaratmalıdır. Rusiya isə prosesi uzatmaq istəyir və biz buna imkan verməməliyik".

 

Qeyd edək ki, dekabrın 12-dən - ekoloji aksiya başlayandan bəri mindən çox nəqliyyat vasitəsinin Laçın-Xankəndi yolu ilə hər iki istiqamətdə keçidi təmin olunub.

Facebook
Dəqiq xəbəri bizdən alın!
Keçid et
Ukraynadan Rusiyaya ardıcıl zərbələr: Vəziyyət kritikdir