Türkiyə Cümhuriyyət Xalq Partiyasının (CHP) sədri Kamal Kılıçdaroğlu Böyük Millət Məclisində (TBMM) ona hücum edən Orxan Övət haqqında şikayət etməyəcəyini açıqlayıb. Modern.az Türkiyə KİV-nə istinadən xəbər verir ki, partiya lideri bunu Orxan Övetin anasının ona xahiş etməsi ilə əlaqələndirib. “Mən də o xahişi nəzərə aldım və şikayət etmədim. Lakin Orxan Övət vasitəsi ilə onu buna sövq edənlərin kimliyini araşdırıb tapmalıyıq. Baş verənlərin səbəbi çıxmasa, buna adi hadisə kimi baxacaqlar. Vəkillərimiz bununla yaxından maraqlanır”-deyə K. Kılıçdaroğlu söyləyib.
Qeyd edək ki, O. Övet adlı şəxs bir neçə gün bundan öncə TBMM-də CHP rəhbərini yumruqlamışdı.Rafiq Qənbərov
