“Qardaş Türkiyənin Manisa vilayətinin Soma şəhəri yaxınlığındakı kömür mədənində baş verən faciə nəticəsində çoxsaylı insan təlafatı və xəsarət alması bizi olduqca sarsıtdı. Soydaşlarımızın üzləşdiyi bu qəza bizim üçün öz faciəmiz və qardaş itgisidir. Milli Dirçəliş Hərəkatı Partiyası bu qəzada həlak olanların ailə üzvlərinə doğmalarına və yaxınlarına dərin hüznlə başsağlığı verir, xəsarət alanların tezliklə sağalmasını arzulayır.”
Partiya Mətbuat Xidmətindən verilən məlumatda bildirilir ki, MDHP sədri, millət vəkili Fərəc Quliyev də faciə ilə bağlı Türkiyə Cümhuriyyətinin ölkəmizdəki Səfirliyində olub, şəxsi və partiyanın adından başsağlığını çatdırıb.
