22 mart 2019, Cümə
Ana Səhifə - MƏDƏNİYYƏT - “XXI əsrin adamı” - Rafiq Həşimov: “Mənim azadlığım bilirsiz hara qədərdir?..” - MÜSAHİBƏ
“XXI əsrin adamı” - Rafiq Həşimov: “Mənim azadlığım bilirsiz hara qədərdir?..” - MÜSAHİBƏ
13.02.2015, 15:33


Modern.az
 saytı “XXI əsrin adamı” layihəsində növbəti müsahibəni təqdim edir. Qeyd edək ki, layihədə müsahib öz əsrini dəyərləndirir, insan və zaman münasibətlərinə aydınlıq gətirməyə çalışır. Budəfəki qonağımız tanınmış diktor, telejurnalist, rejissor Rafiq Həşimovdur. O, əvvəlcə indiki fəaliyyətindən danışır:

- Hazırda Azərbaycan televiziyasında (Az.TV-də)  diktor kimi fəaliyyətimi davam etdirirəm. Uzun müddətdir insanlar məni diktor kimi tanısalar da, həyat elə gətirib ki, bu illər ərzində yazı-pozu ilə də məşğul olmuşam. Ssenarilərim əsasında bədii-sənədli filmlər çəkilib. Ölkəmizin tarixi üçün əhəmiyyətli olan hadisələri lentə almışıq. Son illər özüm də rejissor kimi çalışdım. Hərdən hekayələr və esselər yazıram. Bir sözlə, yaşamağa davam edirəm.

- Fikrinizcə, şeytan deyilən məxluq haradadır – Allahı unutduğumuz yerdə, yoxsa, Allaha gedilən yolun üzərində?

- Birdən-birə belə qəliz mövzudan başladıq... Bəzi teoloji məntlərdə adını çəkdiyiniz iblis haqqında məlumatlar çoxdur. Dini kitablara, teoloji mətnlətə əsaslansaq, qiyamət gününə qədər də o öz işi ilə məşğul olacaq.

- XXI əsrdə Azərbaycan cəmiyyəti daha çox şeytanla yoxsa, Allahla dostluq edir?

- Yenə də teoloji mətnlərə istinad etsək, görərik ki, orada Allahın dost deyə müraciət etdiyi yeganə insan İbrahim Xəlilullahdır. İbrahim peyğəmbərə dost deyə müraciət edilir. Ancaq bu o demək deyil ki, bütün insanlar buna baxıb Allahı özünə dost adlandırsınlar.

- Fikrinizcə, nə səbəbə görə XXI əsrin insanları həqiqətə yox, madiyyata daha yaxındır?

- Mən də bu mövzu haqda düşünmüşəm. Ümumiyyətlə, maddiyyatla mənəviyyat hamımızı düşündürən məsələdir. İnsanlar ömrü boyu bu anlayışlardan doğan situasiyalara düşür və öz münasibətlərini onlara uyğun formalaşdırırlar. Bu qədər yaşadıqdan sonra belə bir qənaətə gəlmişəm ki, bunların ikisi bir yerdə yüz faizdir. Məsələn, əgər  mənəviyyat altmışdırsa, yerdə qalan qırx da maaddiyyatdır və s. İki tərəfdən hansısa birinin 100 faiz olması mümkün deyil. “Quran”da  belə bir ayə var: “Qəlbinizdə Allah qorxusunu və qüsurunuzu da yerləşdirmişik. İnsanın içində bu proses, yəni, nəfslə mübarizə fasiləsiz davam edir. Sonda hansının qalib gəlməsi sırf fərdi hadisədir.

- Nə üçün bu günün, 2015-ci ilin Azərbaycan cəmiyyəti hələ də 1906-cı ildə işıq üzü görən “Molla Nəsrəddin” jurnalının səhifələri arasında yaşayır?

- Elə bədii nümunələr var ki, oradakı personajlar əbədidir. Yaradıcı insanın, şairin, yazıçının ruhi çəkisi nə qədər böyükdürsə, həmin personajların yaşam müddəti də o qədər uzanır. Hesab edirəm ki, bu dünyanın axırına qədər belə olacaq. Çünki hər zaman kimlərsə xeyir daşıyıb, kimlərsə şər. Bu, hər zaman belə olub, bu cür də davam edəcək.. Burada təəccüblü bir şey yoxdur...

- Razıyam, təəccüblü bir şey yoxdur, amma bir jurnalın az qala 95 faiz bu günlə uzlaşması da elə-belə fakt deyil...

- Oxucular müxtəlifdir. Elə gözəllik də bundadır ki, müxtəlif oxucular müxtəlif qənaətə gəlirlər. Əgər siz belə düşünürsünüzsə, fikrinizə ancaq hörmət edə bilərəm. Mən də düşünürəm ki, o jurnalda olan personajlar bu gün də var. Amma aralarında yaşayan müsbət personajlar da var. Bu cəmiyyətin strukturudur, qurulmuş formasıdır. Başqa cür olmur. Faiz məsələsinə gəldikdə, hansısa faiz az, yaxud çox ola bilər.

- Siz həm də Azad Mirzəcanzadə məktəbinin uğurlu yetirmələrindənsiniz. Necə oldu ki, böyük filosof-alimlə tanış oldunuz?

- Onun birbaşa tələbəsi olmasam da, televiziyada işlədiyim müddətdə çox şey əxz etdiyim şəxsiyyətlərdən biri, bəlkə də birincisi Azad müəllim olub. “XX əsr” müəllif proqramım var idi. 1995-ci ildən 1999-cu ilə qədər davam etdi. Proqram görkəmli elm, sənət və ədəbiyyat adamları ilə söhbətlər üzərində qurulurdu. Növbəti proqramlarımdan birini də Azad müəllimə həsr etməyi düşünürdüm. Proqramın araya-ərsəyə gəlməsi 9 ay çəkdi. Çünki o qədər çoxqatlı, çoxlaylı bir bilik mənbəyi ilə üzləşdim ki, o proqramın hazırlanması az vaxt çəkə bilməzdi. Öyrəndikcə daha çox qatlara baş vurmaq ehtiyacı hiss edirdim. Addım-addım hara gedirdisə - mühazirələrə, səfərlərə, yaratdığı məktəbə, Neft daşlarına - biz də onun ardınca gedirdik. Proqram bu cür ərsəyə gəldi və o, 9 ay mənim üçün böyük universitet oldu. Həftədə bir-iki dəfə görüşürdük. Elə vaxt olurdu ki, özünün masa məclislərinə də bizi dəvət edirdi. O məclislərdə də müxtəlif ziyalılar, akademiklər, alimlər olurdu. 

- Azad müəllim ən böyük azərbaycanlı kimi Üzeyir bəy Hacıbəylini görürdü. Maraqlıdır, neft sahəsinin mütəxəssisi üçün nəyə görə məhz Üzeyir bəy daha böyük insan idi?

- O, adını çəkdiyim proqramımda bu suala müəyyən mənada cavab verib. Deyirdi ki, “mən uşaq idim, Üzeyir bəy həmişə bizim yaşadığımız Zərgərpalan küçəsindən keçirdi. Biz də həyətdə oynayardıq. Mənə elə gəlirdi ki, o çox nəhəng insan olub. Amma böyüdükcə anladıq ki, ortaboylu adi bir insandır”. Amma ona dahi insan kimi qiymət verirdi. Niyə neftlə məşğul olan bir alim Üzeyir bəyi sevirdi?

Azad müəllimdən əvvəlki alimlər də, lap elə Eynşteynin özü də elm və incəsənət bir-birini tamamlayanda daha kamil bir məzmun alındığını düşünüblər. Mənə elə gəlir ki, Azad müəllimin  böyüklüyü həm də elm və incəsənəti uzlaşdıra bilməsində idi.

- Azad müəllimin bir başqa tələbəsi Baxşeyiş müəllimlə müsahibədə hiss etdim ki, o, Üzeyir bəyin daha çox musiqiçi deyil, publisist tərəfinə vurğun idi...

- Bilirik ki, Üzeyir bəy təkcə musiqi ilə kifayətlənməyib. O, həm də  publisist və ictimai xadim idi. Amma mənə elə gəlir ki, Azad müəllim onu daha çox musiqi dühası kimi qiymətləndirirdi.

- Azad müəllimin Üzeyir bəydə dəyərləndiriyi ən yaxşı xüsusiyyət “O olmasın, bu olsun” filmində Məşədi İbadın güzgü qarşısında papağını dəyişmə səhnəsidir. Çünki orada bir papağı dəyişdirməklə hansısa bir regionun psixologiyasını, o yerin insanının genetik kodunu çatdıra bilib...

- Əgər o filmdən danışsaq, qonaqlıq səhnəsini də göstərə bilərik. Orada bütün palitra, bütün təbəqələrin nümayəndələri var. Sizin bayaqkı sualınızın da cavablarından biri budur. Biz hadisələrə yanaşanda çox kəskin oluruq. Azad müəllim mənim proqramımda da deyirdi: “Baxıram  adama, görürəm ki, burnu var və o dəqiqə hökm verirəm ki, onun gözü, qulağı yoxdur. Çünki dar dairədən onun ancaq burnunu görmüşəm”. Problem odur ki, biz insanlara, cəmiyyətə çox dar müstəvidən baxırıq. Üzeyir bəy isə məsələlərə geniş müstəvidən baxıb və ona görə  bu gün də yaşayır. Həmişə də o filmə baxılır. Özünəməxsusluq ondadır ki, həmin personajlar özləri özlərinə gülməyi bacarırlar. Əsas səbəb budur ki, Üzeyir bəy onu sevgi ilə yazmışdı. O personajları da sevgi ilə yaratmışdı.

- Sabirin dövründə əsr insanları dindirə bilmirdi. Bəs, bu gün necə XXI əsr heç olmasa pıçıltı ilə də olsa, Azərbaycan cəmiyyəti ilə dialoqa girə bilirmi?

- 20 ildən bir az artıqdır ki, Azərbaycan müstəqil olub. Bu müddətdə hesab edirəm ki, ölkəmiz çox şey qazanıb və daha da inkişaf edəcək. Yenə Azad müəllimə qayıdaq, o deyirdi: “Mən istəyirəm ki, Azərbaycanı intellektual səviyyəsi ilə dünyaya tanıdaq”. Bu proses artıq başlayıb. Dünyada elə bir cəmiyyət yoxdur ki, onun hamısı siz dediyiniz  səviyyədə olsun. Burada fərqli-fərqli təbəqələr olmalıdır, cəmiyyət məhz bu təbəqələrdən ibarətdir. Amma bu proses gedir, onun çalarları bir çox sahələrdə artıq görünür.

- Şəxsən sizin üçün özgürlük nədir? 

- 1996-cı ildə hazırladığım müəllif proqramımda “Azadlıq” essesində bu haqda  yazmışdım. İbtidai siniflərdə oxuyanda hiss edirdim ki, direktor sinif otağına daxil olanda müəllimə ondan çəkinir. Ayağa durmağından, narahatlığından bunu hiss etmək olardı. Hörmət təbii ki, olmalıdır. Amma mən hörmətdən başqa çəkingənliyi də hiss edirdim. Uşaq vaxtından düşünürdüm elə peşə seçim ki, müdirim, rəisim olmasın və ondan qorxmayım. Məndə elə təəssürat yaranmışdı ki, müdirdən qorxmaq lazımdı. Sonra musiqi ilə məşğul oldum, onu da deyim ki, pis musiqiçi olmamışam. Musiqi ilə məşğul olanda düşünürdüm ki, qarmonu bir küncdə sakitcə ifa edəcəyəm, kimsədən sifariş qəbul etməyəcəyəm. Amma sonra böyüdüm və başa düşdüm ki, musiqini bəzən sifariş də edirlər və s. Daha sonra diktorluq, jurnalistika və bir müddətdən sonra başa düşdüm ki, azad olan yalnız ağ kağızdır. Yazılan kimi o da azadlığını itirir. Məşhur öncəgörən Vanqa deyirdi ki, bizlərdən heç kim azad deyil, sadəcə, siz bunu bilmirsiniz. Başqa bir söz də var. Söhbət fərdin azadlığından gedirsə, mənim azadlığım bilirsiz hara qədərdir? Sizin azadlığınızın başlandığı yerə qədər. Mən bu cür yanaşıram. Ən çox sevdiyim məfhumlardan biri azadlıqdır. Belə bir fikir var: “Yalnız ölülər və dəlilər tam azaddırlar”.

- Məncə, heç onlar da azad deyillər...

- Hə, o dünyada da sorğu-sual, azadlığının əlindən alınması... (gülür)

Onu da deyim ki, 2011-ci ildə şəhid haqqında film çəkdim. Film “Yarımçıq gündəlik” adlanır. Şəhid Fuad Əsədov haqqındadır. 19 il yarım yaşayasan və bu qədər böyük işlər görəsən?! Yaxşı şeirləri, rəsm əsərləri olub. Mən böyük sözünü məsuliyyətlə deyirəm. Filmi çəkəndə maraqlı bir mətləbi anladım. Anladım ki, əsil yaradıcılıqla məşğul olmaq üçün daxilən tam azad olmaq lazımdır.

- Siz azadlığı sevə-sevə böyüyüb indiki Rafiq Həşimov oldunuz. Bunun üçün kimə borclusunuz ?

- İlk növbədə Allaha borcluyam ki, bizi yaradıb. Valideyinlərimə borcluyam. Allah cansağlığı versin. Mən bu gün də onlarla bərabər yaşayıram. Dostlarıma borcluyam, sağ olsunlar ki, onlar var.  Daha sonra mənə uşaqlıqdan dərs deyən bütün müəllimlərimə borcluyam. Tamaşaçılara borcluyam. Məndən əvvəl diktor  işləyən bütün adamlara, ilk növbədə Rafiq Hüseynova borcluyam. Dostoyevskinin belə bir sözü var: “Hər kəs hamının qarşısında hər şeyə görə günahkardır”. Adamlar bunu anlamırlar. Anlasaydılar, həmin  dəqiqə cənnət olardı.

- Sonda peşəkar diktor kimi sizə bir sual vermək istərdim. Ünsiyyət zamanı biz niyə özümüzü düzgün, səlis ifadə etməyi bacarmırıq?

- Maraqlı sualdır. Uzun müddət nitq mədəniyyətindən dərs demişəm. Universitetlərdə, radiolarda, televiziyalarda treninqlər keçmişəm. Müstəqillikdən sonra evdə dil açan uşaq artıq “ata”, “ana” deyir, “mama”, “papa” deyənlər azalıb. Yəni nitqin formalaşmasında cəmiyyətin, ətrafın da böyük rolu var. Ondan sonra, davamlı kitab oxumaq, mütaliə etmək nitqi formalşdırır. Mən kitabları bilirsiz nəyə bənzədirəm? Biz dərmanı içirik, amma  damarımızda molekullar, atomlar necə hərəkət edir, onu görmürük,  nəticədə sağalırıq. Kitab da elədir. Biz onu oxuyuruq. Amma özümüzün də xəbərimiz olmur ki, nə baş verir. Bizim ruhumuza, mənəviyyatımıza necə təsir edir, onu görmürük, amma bu proses baş verir.  Nəticədə həm düşüncəmiz, həm də nitqimiz formalaşır.



Elmin NURİ


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Azərbaycan Xorvatiya oyununda hesab bərabərləşdi: 1-1 - YENİLƏNİR
22.03.2019, 00:34

Azərbaycan Xorvatiya oyununda hesab bərabərləşdi: 1-1 - YENİLƏNİR

İraqda bərə qəzası: ölü sayı 85-ə çatdı - YENİLƏNİB
21.03.2019, 23:41

İraqda bərə qəzası: ölü sayı 85-ə çatdı - YENİLƏNİB

NATO-nun baş katibi Gürcüstana gəlir
21.03.2019, 23:24

NATO-nun baş katibi Gürcüstana gəlir

Güclü duman Biləsuvarda hərəkəti çətinləşdirdi
21.03.2019, 23:01

Güclü duman Biləsuvarda hərəkəti çətinləşdirdi

Azərbaycan və Xorvatiya  milli komandalarının start heyətləri açıqlanıb
21.03.2019, 22:43

Azərbaycan və Xorvatiya  milli komandalarının start heyətləri açıqlanıb

Avropa İttifaqı “Brexit”lə bağlı təcili toplana bilər
21.03.2019, 22:30

Avropa İttifaqı “Brexit”lə bağlı təcili toplana bilər

Ziya Məmmədov villasını satışa çıxardı
21.03.2019, 22:14

Ziya Məmmədov villasını satışa çıxardı

Xəzərdə 4.5 ballıq zəlzələ oldu
21.03.2019, 21:45

Xəzərdə 4.5 ballıq zəlzələ oldu

Rusiyadan NATO açıqlaması
21.03.2019, 21:24

Rusiyadan NATO açıqlaması

Bakıda mebel sexi yanıb
21.03.2019, 21:10

Bakıda mebel sexi yanıb

Kamil Zeynallı azadlığa buraxılıb - VİDEO
21.03.2019, 20:52

Kamil Zeynallı azadlığa buraxılıb - VİDEO

XİN bəyanat yaydı: “İşğalçı Ermənistan qüvvələri Azərbaycan ərazilərindən dərhal çıxarılmalıdır”
21.03.2019, 20:34

XİN bəyanat yaydı: “İşğalçı Ermənistan qüvvələri Azərbaycan ərazilərindən dərhal çıxarılmalıdır”

FHN-dən Bakı Nəqliyyat Agentliyinin açıqlamasına münasibət
21.03.2019, 20:18

FHN-dən Bakı Nəqliyyat Agentliyinin açıqlamasına münasibət

Kamçatkada Azərbaycan diasporu Novruz bayramı keçirdi
21.03.2019, 18:05

Kamçatkada Azərbaycan diasporu Novruz bayramı keçirdi

Əsgərlərin Novruz bayramı - FOTOLAR
21.03.2019, 17:21

Əsgərlərin Novruz bayramı - FOTOLAR

Elmar Məmmədyarov argentinalı həmkarı ilə görüşdü
21.03.2019, 16:34

Elmar Məmmədyarov argentinalı həmkarı ilə görüşdü

Karlova Universitetinin əməkdaşları BDU-da tədqiqat aparırlar
21.03.2019, 16:32

Karlova Universitetinin əməkdaşları BDU-da tədqiqat aparırlar

Əli Həsənov: “Nursultan Nazarbayevin qərarı qazax xalqının firavan gələcəyini təmin edəcək”
21.03.2019, 16:10

Əli Həsənov: “Nursultan Nazarbayevin qərarı qazax xalqının firavan gələcəyini təmin edəcək”

Tokayev Qazaxıstan prezidenti kimi ilk səfərini Rusiyaya edəcək
21.03.2019, 15:50

Tokayev Qazaxıstan prezidenti kimi ilk səfərini Rusiyaya edəcək

Azərbaycan səyahət etmək üçün ən yaxşı ölkələr siyahısına daxil edilib
21.03.2019, 15:28

Azərbaycan səyahət etmək üçün ən yaxşı ölkələr siyahısına daxil edilib

Bakı-Sumqayıt magistralında yol qəzası
21.03.2019, 15:15

Bakı-Sumqayıt magistralında yol qəzası

Gələn aydan ailələrə uşaqpulu veriləcək? - RƏSMİ AÇIQLAMA
21.03.2019, 14:53

Gələn aydan ailələrə uşaqpulu veriləcək? - RƏSMİ AÇIQLAMA

Qəzetləri məğlub edən saytlar sosial şəbəkələrlə mübarizə apara biləcəkmi?
21.03.2019, 14:22

Qəzetləri məğlub edən saytlar sosial şəbəkələrlə mübarizə apara biləcəkmi?

Azərbaycan “Dostluq naminə futbol”da təmsil olunacaq
21.03.2019, 13:37

Azərbaycan “Dostluq naminə futbol”da təmsil olunacaq

Avtovağzallarda gücləndirilmiş iş rejiminin müddəti uzadıldı
21.03.2019, 13:28

Avtovağzallarda gücləndirilmiş iş rejiminin müddəti uzadıldı

Sabahın HAVASI: Çiskinli yağış ehtimalı var
21.03.2019, 13:26

Sabahın HAVASI: Çiskinli yağış ehtimalı var

Əfqanıstanda PARTLAYIŞ: 6 ölü, 23 yaralı
21.03.2019, 13:00

Əfqanıstanda PARTLAYIŞ: 6 ölü, 23 yaralı

Azercell daha bir uğura imza atdı
21.03.2019, 12:34

Azercell daha bir uğura imza atdı

Qaradağda 2 otaqlı evdə YANĞIN
21.03.2019, 12:17

Qaradağda 2 otaqlı evdə YANĞIN

Mehriban Əliyeva Dariqa Nazarbayevanı təbrik edib
21.03.2019, 11:26

Mehriban Əliyeva Dariqa Nazarbayevanı təbrik edib

Polis həyətində çətənə əkəni saxladı
21.03.2019, 11:25

Polis həyətində çətənə əkəni saxladı

Bakı Novruzu belə qeyd edir - FOTOLAR
21.03.2019, 11:15

Bakı Novruzu belə qeyd edir - FOTOLAR

İrana gedən Azərbaycan vətəndaşlarının sayı 83,8 faiz artıb - RƏSMİ
21.03.2019, 11:04

İrana gedən Azərbaycan vətəndaşlarının sayı 83,8 faiz artıb - RƏSMİ

Bu təqdirdə Azərbaycan Cənub-Cənub əməkdaşlığına daha fəal töhfə verə biləcək
21.03.2019, 10:50

Bu təqdirdə Azərbaycan Cənub-Cənub əməkdaşlığına daha fəal töhfə verə biləcək

Amerikada soydaşlarımızı bir araya gətirməyi bacaran azərbaycanlı - FOTOLAR
21.03.2019, 10:43

Amerikada soydaşlarımızı bir araya gətirməyi bacaran azərbaycanlı - FOTOLAR

Bakıda sərnişin avtobusu yandı
21.03.2019, 10:33

Bakıda sərnişin avtobusu yandı

“Bosniya qəssabı”nın cəzası ömürlük həbslə əvəz olundu
21.03.2019, 10:21

“Bosniya qəssabı”nın cəzası ömürlük həbslə əvəz olundu

Ermənilər atəşkəsi 30 dəfə pozdu
21.03.2019, 10:00

Ermənilər atəşkəsi 30 dəfə pozdu

Azərbaycanda dövlət hesabına dərmanla təmin olunan xəstələrin SAYI
21.03.2019, 09:35

Azərbaycanda dövlət hesabına dərmanla təmin olunan xəstələrin SAYI

Azərbaycana yaz fəsli gəldi   
21.03.2019, 01:58

Azərbaycana yaz fəsli gəldi  

Bu gün Avropa Çempionatının seçmə mərhələsi başlayır - TƏQVİM  
21.03.2019, 01:45

Bu gün Avropa Çempionatının seçmə mərhələsi başlayır - TƏQVİM  

Millimizin baş məşqçisi: “İstəyirik ki, rəqibə xoş olmayan sürpriz edək”
21.03.2019, 01:36

Millimizin baş məşqçisi: “İstəyirik ki, rəqibə xoş olmayan sürpriz edək”

Göyçayda faciə - gənc bədbəxt hadisənin qurbanı oldu   
21.03.2019, 01:24

Göyçayda faciə - gənc bədbəxt hadisənin qurbanı oldu  

Samuxda ər arvadını bıçaqladı
21.03.2019, 00:11

Samuxda ər arvadını bıçaqladı

Kral əyləncəyə 23 milyard dollar ayırdı
20.03.2019, 23:46

Kral əyləncəyə 23 milyard dollar ayırdı

Vergilər Nazirliyinin “Veysəloğlu”nu cərimələdiyi təsdiqləndi    
20.03.2019, 23:38

Vergilər Nazirliyinin “Veysəloğlu”nu cərimələdiyi təsdiqləndi  

Qazaxıstanın mərkəzi küçələrə Nursultan Nazarbayevin adı verilib
20.03.2019, 23:28

Qazaxıstanın mərkəzi küçələrə Nursultan Nazarbayevin adı verilib

FED baza faiz dərəcəsini dəyişmədi
20.03.2019, 23:10

FED baza faiz dərəcəsini dəyişmədi

Növbəti  Ay tutulması müşahidə edilir
20.03.2019, 22:27

Növbəti  Ay tutulması müşahidə edilir

Türkiyədə terror təşkilatının azərbaycanlı üzvü saxlanıldı
20.03.2019, 22:07

Türkiyədə terror təşkilatının azərbaycanlı üzvü saxlanıldı

ARXİV