"Bakı - İslam mədəniyyətinin paytaxtı-2009" çərçəvəsində böyük işlər görülüb və bu istiqamətdə fəaliyyət indi də davam etdirilir. Bunu Modern.az saytına Mədəniyyət və Turizm Nazirliyinin mətbuat xidmətinin rəhbəri İntiqam Hümbətov deyib. Onun sözlərinə görə, bununla bağlı gələn ay daha böyük bir beynəlxalq tədbir keçiriləcək: “Oktyabrın 12-dən 14-dək nəzərdə tutulan beynəlxalq tədbirdə təxminən 50 ölkənin Mədəniyyət Nazirliyi təmsil olunacaq. On beş ölkə tədbirə nazir səviyəsində qatılacaq”.
