Azərbaycanda “İdman haqqında” qanuna dəyişiklik edilməsi təklif edilir.
Modern.az xəbər verir ki, Milli Məclisin Gənclər və idman komitəsinin bu gün keçirilən iclasında komitənin üzvü, AFFA-nın I vitse-prezidenti Rauf Əliyev uşaqlarla məşğul olan məşqçilərin məsələsini qaldırıb.
“Futbol sahəsində, tutaq ki, 10-11 yaşlarında uşaqlarla hansısa məşqçi məşğul olur. 15 yaşında olanda isə digər məşqçinin yanında məşq edir. 17-18 yaşlarında da hansısa klubla müqavilə bağlayır, hər bir mərhələdə məşqçilər pulunu alır. Amma birinci məşqçi pul almır. O da pul almalıdır. Bununla bağlı “İdman haqqında” qanuna dəyişiklik edilməlidir”.
Komitə sədri Fuad Muradov da bu məsələyə diqqət göstəriləcəyini qeyd edib.
Mirmahmud KAZIMOĞLU
