Fövqəladə Hallar Nazirliyi (FHN) aprelin 10-da Sabirabadda baş vermiş ağır qəza ilə bağlı məlumat yayıb.
FHN-dən Modern.az-a verilən xəbərə görə, Sabirabadın Nizami kəndində “KAMAZ” markalı yük avtomobili ilə “VAZ” markalı minik avtomobilin toqquşması nəticəsində yol nəqliyyat qəzasının baş verməsi barədə məlumat daxil olub.
Dərhal Nazirliyin Dövlət Yanğından Mühafizə Xidmətinin yanğınsöndürən-xilasediciləri hadisə yerinə cəlb olunaraq minik avtomobilində sıxılmış vəziyyətdə qalmış 1980-cı il təvəllüdlü Musayev Rəşad Arif oğlunun cəsədini çıxarmış vəaidiyyatı üzrə təhvil verib.
Əməliyyat saat 02:03-də başa çatıb.
Modern.az
