“Sanitariya-epidemioloji salamatlıq haqqında” qanuna dəyişikliklərin edilməsi təklif edilir.
Milli Məclisdən Modern.az-a verilən məlumata görə, qanuna əlavəyə əsasən, əhalinin sanitariya-epidemioloji salamatlılığının təmin edilməsi sahəsində elmi tədqiqatların qiymətləndirilməsini və əlaqələndirilməsini müvafiq icra hakimiyyəti orqanının müəyyən etdiyi elmi təşkilat həyata keçirəcək.
Həmçinin, əhalinin sanitariya-epidemioloji salamatlılığının təmin edilməsi sahəsində elmi tədqiqatlar “Elm haqqında” qanun ilə müəyyən edilən qaydada həyata keçiriləcək.
Qanuna dəyişiklik Milli Məclisin iclasında müzakirə ediləcək.
