“ABŞ Prezidenti Donald Tramp Çin lideri Si Cinpin və Rusiya Prezidenti Vladimir Putinlə görüşündə İran məsələsini müzakirəyə çıxarmaq niyyətindədir”.
Modern.az xəbər verir ki, bu barədə “Le Monde” nəşri adı açıqlanmayan amerikalı rəsmiyə istinadən məlumat yayıb.
Onun sözlərinə görə, Vaşinqton Ukrayna məsələsi ilə bağlı tamamilə fərqli danışıqlar prosesi aparır və Pekin bu prosesdə faktiki olaraq iştirak etmir.
Buna görə də həmin görüşdə Ukrayna məsələsinin müzakirəsi məqsədəuyğun hesab edilmir.
Qeyd edək ki, noyabrın 13-də “New York Post” qəzeti Ağ Evdəki mənbəyə istinadən Putin, Tramp və Si Cinpin arasında görüşün sentyabrın 19-da Asiya-Sakit Okean İqtisadi Əməkdaşlıq Təşkilatının (APEC) sammiti çərçivəsində keçiriləcəyini yazmışdı.
