"Bakı Metropoliteni” QSC bəzi işçilərin öz hesabına məzuniyyətə göndərilməsi, əmək haqqı ala bilməməsilə ilə bağlı xəbərlərə münasibət bildirib.
Qurumun mətbuat xidmətinin rəhbəri Nəsimi Paşayev Modern.az-a deyib ki, bu, qurumun tikinti sektorunda iş həcminin azalması ilə bağlıdır:
“Metroda tikintidə iş həcmi azaldığı üçün işçilər növbəli halda məzuniyyətə gedir. Məzuniyyətə gedənlər əsasən, “Bənövşəyi xətt”in tikintisində işləyirdilər. Onlar “Avtovağzal”, “Memar Əcəmi” və şərti adı “B-3” olan stansiyaların tikintisində çalışırdılar. İndi “Avtovağzal” və “Memar Əcəmi” stansiyalarında iş yekunlaşıb və stansiyalar artıq istifadəyə verilib. Ona görə də həmin stansiyaların tikintisində işləyənlər növbəli məzuniyyətə gedir”.
