Malidə BMT-nin avtomobili partladılıb.
Modern.az-ın xarici KİV-ə istinadən verdiyi məlumata görə, hadisə nəticəsində 3 sülhməramlı həlak olub, 2-si isə yaralanıb.
Partlayış Tesalit və Agelhok yaşayış sahələri arasında yerləşən avtomobil yolunda baş verib. Yaralanan sülhməramlılar Kidal şəhərində xəstəxanaya yerləşdiriliblər.
Qeyd edək ki, ötən həftə Mali Nazirlər Şurası başda ölkə prezidenti İbrahim Bubakar Keyta olmaqla ölkədə fövqəladə vəziyyət rejimini daha 1 il müddətinə uzadıblar.
