Qeyri-rəsmi olaraq dünyanın ən yaşlı kişisi hesab olunan 121 yaşlı Çili sakini çarpayıdan yıxılıraq ölüb.
Trend-in məlumatına görə, Selino Vilyanueva Xaramilyo bir neçə gün əvvəl çarpayıdan yıxılıb və nəticədə onun qabırğası, eləcə də ağciyəri zədələnib.
Qeyd edək ki, 1896-cı ilin iyulunda anadan olduğu deyilən S.V.Xaramilyonun sənədləri yandığı üçün onun yaşı Ginnessin rekordlar kitabı tərəfindən qeydə alınmayıb. Hazırda dünyanın ən yaşlı kişisi 112 yaşlı yaponiyalı Masadzo Nonaka hesab olunur.
