Son günlər “sensayiya axtarışında olan” bəzi saytlarda və mətbuat oranlarında “1001 gecə” istirahət və çimərlik kompleksi ilə bağlı yayılan əsassız xəbərlərə aydınlıq gətirmək istəyirəm.
Keçən ilin aprel ayında razılaşma yolu ilə Azərbaycan vətəndaşı Rəşad Qasımov və iki İraq vətandaşı ilə müqavilə bağlayıb yuxarıda adı çəkilən obyekti icarəyə verdim. Müqavilə bağlanarkən yalnız Rəşad Qasımovun VÖEN-i var idi. İraq vətəndaşlarından VÖEN tələb etdikdə 10 gün ərzində təqdim edəcəklərinə söz verdilər. Mən onlara inandım. Amma aradan 1 il keçməsinə baxmayaraq onlar hələ də VÖEN-i təqdim etməyiblər.
Hamıya bəlli olan həqiqətdir ki, sahibkarlıq fəaliyyəti ilə məşğul olmaq üçün aidiyyatı vergi orqanlarında qeydiyyatdan keçmək lazımdır. Məhz bu məsələ ilə bağlı müqaviləni pozmaq istəyəndə Rəşad Qasımov bütün məsuliyyəti üzərinə götürərək öz VÖEN-nini qeydiyyatdan keçirdi.Və əminliklə bildirdi ki, mən obyekti işlədəcəyəm. Razılaşdıq.
Azərbaycan qanunlarına görə VÖEN-i olmayan İraq vətəndaşlarının heç bir icarə hüququ yoxdur və ola bilməz!
Azərbaycan Respublikasının prezidentinin “Sığorta haqqında” sərəncamını nəzərə alaraq, fevralın əvvəllərində Rəşad Qasımova təklif etdim ki, gələcəkdə baş verə biləcək hər hansı bədbəxt hadisənin qarşısını almaq məqasədi ilə obyekti sığorta etdirməlidir.
Bu təklifdən sonra onu ayyarım gözlədim. Lakin dəfələrlə söz versə də, obyekti sığorta etdirmədi. Bu faktı təsdiq edən bütün sənədlər mövcuddur.
Məcbur olub bu ilin aprelin 1-də müqaviləni pozdum.
O isə bəzi saytlarda və yazmağa mövzu tapmayan müxalifətyönlü qəzetlərdə şantaj və böhtanla məşğul olur.
Qoy bu yalan və böhtanlara görə ilk növbədə o, öz vicdanı və Allah qarşısında cavab versin!
Elşən Səfərov - Obyektin icraçı direktoru.
