"ABŞ İranla "altılıq" ölkələri arasında imzalanmış nüvə sazişindən çıxmaqla itirən tərəf olacaq".
Modern.az Türkiyə KİV-nə istinadən xəbər verir ki, bunu Türkiyə prezidenti Rəcəb Tayyib Ərdoğan bildirib.
Onun sözlərinə görə, Qərb imzaladığı razılaşmaya sadiq qalmır.
"Beynəlxalq müqavilələri istədiyiniz zaman poza və ya davam etdirə bilməzsiniz. Bu qəbuledilməzdir”
Qeyd edək ki, ABŞ prezidenti Donald Tramp aprelin 8-i ABŞ-ın İran və 6 beynəlxalq vasitəçi ilə (Rusiya, ABŞ, Britaniya, Çin, Fransa, Almaniya) 2015-ci ildə nüvə probleminin həlli barədə imzalanan sazişdən çıxmasını bəyan edib. Tramp həmçinin İrana qarşı bütün sanksiyaların bərpa olunacağını bildirib.
