Millət vəkili Vahid Əhmədov Quba şəhərində seçiciləri ilə görüşərək onları qəbul edib. Qəbuldan əvvəl seçicilərin arzusu nəzərə alınaraq deputat- seçici dialoqu formasında tədbir təşkil olunub. Arzu edən hər bir vətəndaşa istədiyi məsələ ətrafında öz fikir və mülahizələrini demək və cavab almaq imkanı yaradılıb. İnsanları narahat edən bir çox məsələlər- əhalinin yaşayış şəraitlərinin yaxşılaşdırılması istiqamətində görülən işlər, rayonda kənd təsərrüfatı məhsullarının emalı üçün iri müəssisələrin açılması, Qubada turizmin inkişafı və əhalinin məşğulluğuna müsbət təsiri, şəhərin abadlaşdırılması işlərinin daha keyfiyyətli və planlı aparılması, gənclərin işlə təmin olunmasına qayğının artırılması və s. problemlər müzakirə obyekti olub.
Görüşdən sonra keçirilən qəbul zamanı şəxsi məsələlərlə yanaşı, Milli Məclisdə qanunların qəbulu prosesində əhalini maraqlandıran bir çox məsələlərində öz əksini tapması arzu olunub.
Bütün məsələlərlə bağlı deputat tərəfindən müvafiq araşdırmalar aparılıb, məsələlərin icrası nəzarətə götürülüb.
