Gürcüstanda prezident seçkilərində seçici fəallığı 46,74% təşkil edib. Modern.az “Report”a istinadən xəbər verir ki, bunu Gürcüstan Mərkəzi Seçki Komissiyasının mətbuat katibi Ana Mikeladze bildirib.
O deyib ki, seçkilərdə ümumilikdə 1 milyon 637 min 956 vətəndaş iştirak edib.
Seçicilərin ən yüksək fəallığı Keda rayonunda (64,74%), ən aşağı fəallıq isə azərbaycanlıların kompakt yaşadığı Marneuli rayonunda (36,47%) qeydə alınıb.
Tbilisiyə gəlincə, paytaxtda seçici fəallığı 45,4% olub.
