Ukraynanın Azərbaycandakı səfirliyində Böyük Vətən Müharibəsinin 75-ci ildönümü münasibəti ilə “Bir də heç vaxt” adlı rəsmi qəbul keçirilib.
Modern.az-ın məlumatına görə, Ukraynanın Azərbaycandakı səfiri Vladislav Kanevskiy Böyük Vətən müharibəsində Ukraynanın da qurbanlar verdiyini, qazanılan qələbədə Azərbaycan kimi, Ukraynanın da böyük payı olduğunu söyləyib. Vətən müharibəsi iştirakçılarının xatirəsinin əziz tutulduğunu, heç vaxt unudlmadığını deyib. Cənab Kanevskiy bu gün Ukraynanın da Azərbaycan kimi eyni ağrıları, problemləri yaşadığını söyləyib. Qeyd edib ki, Vətən torpaqlarını və azadlığını qorumaq şərəf məsələsidir.
“İki dost ölkənin vətəndaşları bu gün də vətənimizin müstəqilliyi və azadlığı uğrunda yorulmadan mübarizə aparırıq”.
Səfir eyni zamanda Ukrayna və Azərbaycan arasındakı iqtisadi əlaqələrdən, dost münasibətlərdən danışıb. Qeyd edib ki, azərbaycanlılar Ukraynada, ukraynalılar isə Azərbaycanda özlərini çox rahat hiss edir, bir ailə kimi yaşayırlar.
Tədbirin rəsmi hissəsi başa çatandan sonra qonaqlar 1941-45-ci illərdəki Böyük Vətən müharibəsində və son illər Ukrayna torpaqlarını işğaldan qoruyarkən həlak olan qəhrəmanlardan və hadisələrin tariximndən bəhs edən sərgiyə tamaşa ediblər.
Tədbirdə Azərbaycan Milli Məclisinin deputatları, “Ukraynanın Azərbaycan Konqresi”nin, Sumqayıt şəhərindəki “ Franko adına Ukrayna cəmiyyəti”nin, Qarabağ Müharibəsi Veteranlar Şurasının üzvləri , mətbuat nümayəndələri də də iştirak ediblər.
Mərasimdə Donetsk və Luqansk uğrunda gedən savaşda həlak olan qəhrəmanların şəkilləri nümayiş etdirilib. Azərbaycanlı və ukraynalı məktəblilər sülhə, həmrəyliyə aid şeirlər səsləndiriblər.
Tədbirin sonunda səfir qonaqlarlra xatirə şəkilləri çəkdirib.
