Müsabiqə şərtini ödəyib, ixtisas seçimi edən, amma ali məktəbə qəbul olunmayan (kəsilən) abituriyentlərin sayı məlum olub.
Modern.az xəbər verir ki, bu barədə təhsil eksperti Kamran Əsədov məlumat verib.
Ekspert ixtisas seçimi edən, amma qəbul olmayan (kəsilən) abituriyentlərin sayını qruplara bölərək təsnifatlandırıb:
I qrup: 4267 nəfər
II qrup: 2405 nəfər
III qrup: 7136 nəfər
IV qrup: 1104 nəfər
V qrup: 2104 nəfər
“Bu il müvafiq olaraq müsabiqədə 47847 plan yeri uğrunda 58294 nəfər abituriyent mübarizə aparıb.
Onlardan 42062 nəfəri (o cümlədən 3542 subbakalavr) ali təhsil müəssisələrinə qəbul olunub 16232 nəfər abituriyent isə qəbul ola bilməyib (kəsilib)”,- o bildirib.
