Qazax rayonunda iki piyadanın vurulması ilə nəticələnən yol qəzası baş verib.
Modern.az APA-ya istinadən xəbər verir ki, hadisə rayonun Şıxlı kəndi ərazisində qeydə alınıb.
Belə ki, yolu keçmək istəyən Mirzəliyeva Gülnur və Məmmədova Tamaşanı "VAZ-21099" markalı avtomobil vurub. Xəsarət alanların hər ikisinin 18 yaşı olduğu bildirilib.
Yaralılar xəstəxanaya yerləşdirilib, vəziyyətlərinin orta-ağır olduğu bildirilir.
Faktla bağlı araşdırma aparılır.
Mingəçevirdə isə tələbəni maşın vurub.
Hadisə şəhərin M.Füzuli küçəsində qeydə alınıb. “VAZ-2109” markalı minik avtomobili yolu keçmək istəyən, Qəbələ rayon sakini Əhmədova Gülay Elşən qızını vurub. Piyada ağır vəziyyətdə xəstəxanaya yerləşdirilib.
G.Əhmədovanın tələbə olduğu bildirilir.
Faktla bağlı araşdırma aparılır.
