Azərbaycan futbolu tarixində ilk dəfə ölkə çempionatının mükafatı şəhidə veriləcək.
Modern.az-ın məlumatına görə, bu barədə qərarı Ağdamın “Qarabağ” klubunun rəhbərliyi verib.
Əyalət təmsilçisi Vətən Müharibəsində şəhid olan azarkeş Məhəmmədəli İbrahimlinin adını medal alacaq komanda üzvlərinin siyahısına daxil edib. O, ölümündən sonra Azərbaycan Premyer Liqasının ya qızıl, ya da gümüş medalına layiq görüləcək.
"Qarabağ"ın mətbuat katibi Gündüz Abbaszadənin sözlərinə görə, mükafat yaxın günlərdə şəhidin ailəsinə veriləcək.
Qeyd edək ki, Azərbaycan çempionu və gümüş mükafatçının adına saat 20:30-da başlayacaq “Neftçi” – “Qarabağ” matçında aydınlıq gələcək.
