Türkiyədə yanğınsöndürmə əməliyyatında iştirak edən Fövqəladə Hallar Nazirliyi əməkdaşlarından birinin ölüm xəbəri yayılıb.
Modern.az-ın məlumatına görə, Fövqəladə Hallar Nazirliyinin mətbuat xidmətinin rəhbəri Gülçin Mehdiyeva “Qafqazinfo”ya bildirib ki, bu barədə xəbər əsassızdır və həqiqəti əks etdirmir.
“Əməkdaşlarımız arasında yaralanan və dünyasını dəyişən yoxdur. Yanğınsöndürmə işləri davam etdirilir”, - deyə G.Mehdiyeva bildirib.
Qeyd edək ki, FHN-in yanğınsöndürmə qüvvələrinin 320 əməkdaşı Türkiyədə yanğınsöndürmə əməliyyatlarında iştirak edir.
