Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva Bolqarıstanın Ayrı-seçkiliyə qarşı müdafiə komissiyasının dəvəti əsasında həmin ölkənin paytaxtı Sofiya şəhərinə rəsmi səfərə yola düşüb.
Bu barədə Modern.az-a Ombudsman Aparatından məlumat verilib.
Bildirilib ki, səfər iki qurum arasında əməkdaşlıq əlaqələrinin daha da gücləndirilməsi məqsədini daşıyır. Səfər çərçivəsində bir sıra rəsmi görüşlərin keçirilməsi, ikitərəfli Memorandumun imzalanması gözlənilir.
