Rusiyanın Orenburq vilayətində 14 nəfər saxta spirtli içkidən zəhərlənərək ölüb.
Modern.az Rusiya mətbuatına istinadən məlumat verir ki, bu barədə regional hökumətin mətbuat xidmətinin açıqlamasında deyilir.
Açıqlamada bildirilir: "İndiyə qədər 22 zərərçəkən qeydə alınıb. Onlardan 14 nəfəri ölüb, digərləri isə xəstəxanadadır. Metanol zəhərlənməsi faktları üç rayonda qeydə alınıb: Yanenski, Dombarovski və Adamovski".
Qeyd edilir ki, insanların ölümünə səbəb olan spirtli içkilərin satışı ilə məşğul olan 3 nəfər saxlanılıb.
