Bakının iri ticarət obyektlərindən biri Park Bulvar AVM-in Facebook səhifəsi hakerlərin hücumuna məruz qalıb. Fan page səhifənin 110 minə yaxın üzvü olub. Park Bulvar AVM-dən bildiriblər ki, Facebook Müştəri Xidmətlərinə olunan müraciətdən sonra səhifə 24 saatlıq diaktiv olunub. Bununla əlaqədar olaraq Park Bulvar AVM-in son yenilikləri və aksiyaları barədə məlumatları //www.parkbulvar.az/index.php saytından öyrənə biləcəksiniz.
“Rəsmi olaraq bildirilir ki, Park Bulvar AVM-in Facebook səhifəsi Park Bulvar adminləri tərəfindən idarə olunmur və səhifədə yerləşdiriləcək hər hansı bir məlumata görə məsuliyyət daşımırıq. Eyni zamanda Park Bulvar AVM-in PR meneceri Günay Malikqızının Facebook səhifəsi də hakerlərin hücumuna məruz qalıb”-deyə Park Bulvardan verilən açıqlamada bildirilib.
Qeyd olunur ki, hazırda araşdırma aparılır və haker hücumunun aradan qaldırılmasına çalışılır.
