“2021-ci ildə 596 nəfər Azərbaycan vətəndaşlığına qəbul edilib”.
Modern.az-ın məlumatına görə, bu barədə Dövlət Miqrasiya Xidmətinin (DMX) 2021-ci il ərzində fəaliyyətinə dair keçirilən mətbuat konfransında qurumun sədri Vüsal Hüseynov bildirib:
"Bu, 2020-ci illə müqayisədə 187 nəfər çoxdur. Vətəndaşlığa qəbul edilənlərdən 62 nəfər Vətən müharibəsində iştirak edən hərbi qulluqçuların yaxın ailə üzvləridir".
V.Hüseynov əlavə edib ki, 2021-ci il ərzində 15 nəfərin vətəndaşlığı bərpa olunub.
