İran Silahlı Qüvvələrinin elit hissəsi olan İslam İnqilabı Keşikçiləri Korpusunun Sistan-Bəlucistan əyalətindəki bölmələrindən birinin komandan müavini general Pərviz Absalanın oğlu Mahmud Absalan naməlum şəxslər tərəfindən öldürülüb.
Modern.az xəbər verir ki, bu barədə İran KİV-ləri məlumat yayıb.
Məlumata görə, Mahmud Absalan əyalətin administrativ mərkəzi Zahedan şəhərindəki nəzarət-buraxılış məntəqələrindən birində yaxınlığından keçən avtomobildən atəşə tutulub. O, hücum nəticəsində dünyasını dəyişib.
Qeyd edək ki, Mahmud Absalan İslam İnqilabı Keşikçiləri Korpusunun generallarından birinin mühafizəçisi olub.
