Kriştiano Ronaldo İspaniya və İngiltərə çempionatlarının hər ikisində 100 qol səddini adlayan ilk oyunçu kimi futbol tarixinə düşüb.
Modern.az-ın məlumatına görə, portuqaliyalı ulduz futbolçu Premyer Liqanın XXXIV turunun “Arsenal” – “Mançester Yunayted” matçının 34-cü dəqiqəsində fərqlənib.
Kriştiano 0:2 hesabı ilə geridə olan komandasının fərqi azaltmasına kömək edib. Vurduğu qolla komandasını ümidləndirən Ronaldo bununla da İngiltərə çempionatında 100-cü dəfə fərqlənib.
Qeyd edək ki, Ronaldo İngiltərədə “Mançester Yunayted”, İspaniyada “Real”ın formasını geyinib.
