Türkiyə Prezidenti Rəccəb Tayyib Ərdoğan CHP lideri Kamal Kılıçdaroğlunu sosial media hesabından paylaşdığı videoya görə məhkəməyə verib.
Modern.az xəbər verir ki, Prezident “Bir qaçışın anatomiyasını ortaya çıxaracağam” başlıqlı videoya görə məhkəməyə müraciət edib.
Ərdoğan müxalifət lideri haqqında hər çıxışına görə 500 min liderə olmaqla ümumilikdə 1 milyon lirə mənəvi təzminat iddiası qaldırıb.
Qeyd edək ki, CHP lideri Kamal Kılıçdaroğlu bu yaxınlarda sosial media hesabında “Bir qaçışın anatomiyasını açacağam” başlığı ilə video paylaşmışdı. O, Ərdoğanı hədəf alaraq bəzi iddialar səsləndirmişdi.
