"Bakı Metropoliteni" QSC "Formula 1" üzrə Azərbaycan Qran-Prisi zamanı daşınan sərnişinlərin sayını açıqlayıb.
Metropolitendən Modern.az-a verilən məlumatda bildirilib ki, ötən həftənin daha əvvəlki dövrlə müqayisəsinə əsasən, orta statistik hesabla, iş günləri ərzində 50-55 min, istirahət günlərində isə 20-25 min sərnişin artımı müşahidə olunub.
Qeyd edilib ki, metropoliten iyunun 10-12-də paytaxtımızda təşkil edilmiş "Formula 1" üzrə Azərbaycan Qran-Prisi ilə əlaqədar gücləndirilmiş iş rejiminə müvafiq dəyişikliklər edib:
"Bununla əlaqədar əlavə işçi qüvvəsi ayrılmaqla stansiyalarda növbətçilik təşkil edilib. Sərnişin axınının əsas istiqamətləri nəzərə alınmaqla, ehtiyat qatarların xətlərə buraxılması diqqətdə saxlanılıb. Həftə ərzində sərnişinlərin metropolitendən istifadəsində artım qeydə alınıb".
