Ermənistanda hərbçiləri daşıyan “KamAZ” markalı avtomobil qəzaya uğrayıb.
Modern.az Ermənistan mediasına istinadən xəbər verir ki, hadisə Sünik (Qərbi Zəngəzur) bölgəsində baş verib.
Məlumata görə, “Mercedes” markalı minik avtomobili ilə Ermənistan Müdafiə Nazirliyinə məxsus “KamAZ” toqquşub. Qəza nəticəsində bir hərbçi ölüb, dörd nəfər yaralanıb. Yaralılar hərbi hospitala yerləşdirilib.
Ölən və yaralananların kimliyi müəyyənləşdirilir. Hadisənin səbəbi barədə məlumat verilməyib.
