Rusların Ukraynanın Xarkov vilayətini atəşə tutması nəticəsində bir gün ərzində 7 nəfər həlak olub, 34 nəfər yaralanıb.
Modern.az xəbər verir ki, bu barədə Xarkov Vilayət Hərbi Administrasiyasının regiondakı vəziyyətlə bağlı səhər saat 8:00-a olan yekun hesabatında deyilir.
"Gecə saatlarında ruslar 2 raket atıb, evlərlə inzibati bina arasındakı açıq sahəyə düşüb. İlkin zərərçəkən yoxdur. Əraziyə baxış keçirilir", - məlumatda deyilir.
Qeyd olunur ki, işğalçılar bölgədəki Boqoduxovski, İzyumski, Xarkov rayonlarını atəşə tutub.
