Avropa İttifaqı Rusiyanın işğalının maliyyə nəticələrini aradan qaldırmaq məqsədilə Kiyevə 1 milyard avro məbləğində maliyyə yardımı göndərib.
Modern.az “Əl Cəzirə”yə istinadən xəbər verir ki, bu barədə Ukraynanın Baş naziri Denis Şmıqal bildirib.
“1 milyard avro, ümumilikdə məbləği 9 milyard avro olan Ukraynaya dəstək paketinin bir hissəsidir”,- deyə Şmıqal teleqram kanalında vurğulayıb.
Onun sözlərinə görə, 500 milyon avro vəsaitin ilk tranşı artıq Ukrayna Mərkəzi Bankı tərəfindən qəbul edilib. Yerdə qalan məbləğin avqustun 2-də çatacağı gözlənilir.
