Macarıstanın “Ferentsvaroş” klubunun futbolçusu Henri Uinqo zədələnib.
Modern.az xəbər verir ki, bu barədə komandanın baş məşqçisi Stanislav Çerçesov bildirib.
Onun sözlərinə görə, ABŞ-dan olan 27 yaşlı müdafiəçi Bakıda “Qarabağ”a qarşı keçirəcəkləri UEFA Çempionlar Liqasının üçüncü təsnifat mərhələsinin ilk oyununu buraxacaq.
Qeyd edək ki, avqustun 3-də Tofiq Bəhramov adına Respublika Stadionunda keçiriləcək qarşılaşma saat 20:00-da başlayacaq.
