2022-2023-cü tədris ili üçün Azərbaycan Dillər Universitetinə (ADU) tələbə qəbulu üzrə ayrılmış 1785 plan yeri 98,10 faiz dolub.
Bu barədə Modern.az-a universitetin İctimaiyyətlə əlaqələr şöbəsindən bildirilib.
Qeyd olunub ki, 2022/2023-cü tədris ili üzrə bakalavriat səviyyəsinə qəbul olmuş abituriyentlərin sənəd qəbulu 2 sentyabr tarixindən 12 sentyabr tarixinədək onlayn aparılacaq. Abituriyentlər qeyd olunan sənədlərin elektron versiyasını //portal.edu.az üzərindən sistemə yükləməlidir.
//portal.edu.az – da qeydiyyat etməyən şəxslər DİM tərəfindən qəbul olunmamış şəxs kimi hesab ediləcək və barəsində qəbul əmri verilməyəcəkdir.
