Azərbaycanda COVID 19 pandemiyası ilə bağlı Milli Məclis tərəfindən dinləmələr keçiriləcək.
Modern.az-ın məlumatına görə, bu barədə Milli Məclisin Səhiyyə komitəsinin bu gün keçirilən iclasında komitə sədri Əhliman Əmiraslanov deyib.
O bildirib ki, COVID artıq sönməyə başlayıb, ancaq yenə də diqqətli olmaq lazımdır:
“Biz arxayınlaşmamalıyıq, ehtiyatı əldən verməməliyik. Hesab edirəm ki, bu məsələ ilə bağlı dinləmələr keçirməyə ehtiyac var. COVID-19 ilə bağlı ölkədə olan vəziyyət və görülən tədbirlərə dair dinləmələrin keçirilməsi faydalı ola bilər”.
Qeyd edək ki, dinləmələrin keçirilməsi komitənin iş planına daxil edilib.
