"Türkiyənin Azərbaycana qoyduğu investisiyanın həcmi 12 milyard dolları keçib. Azərbaycanın Türkiyəyə yatırdığı sərmayə isə 20 milyard dollardan çoxdur".
Modern.az xəbər verir ki, bunu Türkiyənin səhiyyə naziri Fəxrəddin Qoca Azərbaycan-Türkiyə Səhiyyə Biznes Forumu və Sərgisinin açılış mərasimində deyib.
F.Qocanın sözlərinə görə, ümumi ticarət həcmi 5 milyard dollar ətrafındadır.
Nazir, həmçinin əlavə edib ki, Türkiyəyə müalicəyə gedənlər üçün xüsusi portal da istifadəyə verilib: "Müalicə üçün ölkəmizi seçən şəxslər portal üzərindən xəstəxana və həkim seçimini edə biləcəklər".
