Peruda prezident Pedro Kastilyonun dekabrın 7-də Konqres tərəfindən vəzifəsindən azad edilərək həbsxanaya göndərilməsindən sonra başlayan nümayişlərdə ölənlərin sayı 30-a çatıb.
Modern.az-ın xəbərinə görə, ölkənin Səhiyyə Nazirliyindən verilən açıqlamada bildirilib ki, ölkənin müxtəlif şəhərlərində davam edən etirazlarda 30 nəfər həyatını itirib.
69 nəfərin isə xəstəxanalarda müalicə olunduğu açıqlanıb.
Ümumiyyətlə, ilk gündən bu günə qədər yaralananların sayının 500-ü keçdiyi, 150-dən çox nümayişçinin saxlanıldığı qeyd olunub.
