Daxili İşlər Nazirliyi xəstəxanaya yerləşdirilən Tofiq Yaqublu ilə bağlı açıqlama yayıb.
DİN-in Mətbuat Xidmətindən Modern.az-a verilən məlumata görə, bu gün həkim Adil Qeybulla DİN-in İnzibati Həbs Olunanların Saxlanılma Mərkəzinə gedərək Tofiq Yaqublu ilə görüşüb. Həkimin məsləhəti ilə T.Yaqublu ətraflı müayinə olunması üçün xəstəxanaya köçürülüb. Tibbi müayinənin nəticəsindən asılı olaraq müvafiq qərar qəbul ediləcək.
***
18:36
Müsavat partiyasının hazırda həbsdə olan üzvü Tofiq Yaqublu xəstəxanaya yerləşdirilib.
Modern.az xəbər verir ki, bu barədə onun qızı Nigar Həzi feysbuk hesabında məlumat paylaşıb.
T.Yaqublu 6 saylı birləşmiş şəhər xəstəxanasına yerləşdirilib.
Qeyd edək ki, Tofiq Yaqublu dekabrın 23-də İnzibati Xətalar Məcəlləsinin 510-cu maddəsi (xuliqanlıq) əsasında 30 sutka inzibati qaydada həbs olunub.
Bu gün həkim Adil Qeybulla təcridxanada Tofiq Yaqublu ilə görüşüb və onun səhhətini nəzərə alaraq xəstəxanaya köçürülməsinin vacibliyini vurğulayıb.
