Moskvadakı “Crocus City Hall” ticarət mərkəzində törədilmiş terror aktı nəticəsində həlak olanlar və xəsarət alanlar arasında azərbaycanlıların olub-olmaması dəqiqləşdirilir.
Modern.az xəbər verir ki, bu barədə AZƏRTAC-a Azərbaycanın Rusiyadakı səfirliyindən bildirilib.
Qeyd edək ki, Moskva vilayəti Səhiyyə Nazirliyi “Crocus City Hall” ticarət mərkəzində törədilmiş terror aktı nəticəsində ölənlərin ilk siyahısını dərc edib. Siyahıda 37 nəfərin, o cümlədən azərbaycanlı olduğu ehtimal edilən 1983-cü il təvəllüdlü Vüqar Hüseynov adlı şəxsin adı var.
Rusiya İstintaq Komitəsi hadisə nəticəsində 93 nəfərin həlak olduğunu bildirir.
