Ermənistanda baş verən ağır yol-nəqliyyat hadisəsi faciə ilə nəticələnib.
Modern.az xəbər verir ki, ölkənin Səhiyyə Nazirliyinin açıqlamasına görə, Şirak vilayətinin Ahin kəndi yaxınlığında baş verən qəza nəticəsində ölənlərin sayı 6 nəfərə çatıb. Həlak olanlardan 2-si azyaşlıdır.
Qəza zamanı 5 nəfər xəsarət alıb. Yaralılardan 3-ü uşaqdır və onlar təcili şəkildə paytaxt İrəvana aparılır.
Məlumata görə, digər yaralıların vəziyyəti ağır və son dərəcə ağır qiymətləndirilir. Onlar reanimasiya şöbəsində müalicə alırlar.
Hadisənin səbəbləri araşdırılır.
