Rusiyada gömrük orqanlarına pilotsuz uçuş aparatları ilə mübarizə aparmaq səlahiyyəti verən qanun imzalanıb.
Modern.az Rusiya KİV-nə istinadən xəbər verir ki, Rusiya Prezidenti Vladimir Putinin imzaladığı sənəd rəsmi hüquqi məlumat portalında dərc edilib. Gömrük işçiləri artıq agentlik obyektlərinə hücum və ya hücum təhlükəsi halında dron əməliyyatlarını dayandıra biləcəklər.
Gömrük işçilərinə dronların uzaqdan idarəetmə siqnallarını bloklamaq və ya dəyişdirmək, uzaqdan idarəetməni manipulyasiya etmək və dronların özlərini zədələmək və ya məhv etmək səlahiyyəti verilir. Bu, istənilən avtomatlaşdırılmış pilotsuz hava, sualtı və ya yerüstü sistemlərə, eləcə də pilotsuz nəqliyyat vasitələrinə aiddir.
