Özbəkistanın xarici işlər naziri Bəxtiyor Saidov diplomatik fəaliyyət müddətinin başa çatması ilə əlaqədar Azərbaycanın Özbəkistandakı səfiri Hüseyn Quliyev ilə görüş keçirib.
Nazir səfirə 14 il ərzində Azərbaycan-Özbəkistan strateji tərəfdaşlıq və müttəfiqlik münasibətlərinin möhkəmləndirilməsinə verdiyi töhfəyə görə təşəkkürünü bildirib.
Bir müddət əvvəl Özbəkistan Prezidenti Şavkat Mirziyoyev də diplomatik missiyasını başa vuran Azərbaycan səfirini qəbul etmişdi.
