Sentyabr ayının 15-də Gənc Tamaşaçılar Teatrının qarşısında 137-ci teatr mövsümünün açılışı olacaq. Gənc Tamaşaçılar Teatrının direktoru Mübariz Həmidov Modern.az saytına bildirib ki, bütün dövlət teatr kollektivlərinin iştirak edəcəyi açılış tədbirində təntənəli konsert proqramı düzənlənəcək: “Teatr mövsümünün açılışında Gənc Tamaşaçılar teatrının hansı tamaşa ilə iştirak edəcəyi isə məlum deyil. Hazırda teatrımızda “ Şeyx Sənan” tamaşasının məşqləri gedir. Hər hansı bir tamaşadan səhnə göstəriləcək”.
Mədəniyyət və Turizm Nazirliyinin teatr şöbəsindən bildiriblər ki, teatr mövsümünün açılışı ənənəvi tədbirdir: “Bu tədbir həm də Gənc Tamaşaçılar teatrının yeni təmir olunması ilə bağlıdır. Böyük konsert proqramının olacağı gözlənilir”.
Nazirlik rəsmisi bildirib ki, region teatrları açılış mərasimində iştirak etməyəcək.