8 Noyabr 2017, 14:45 | Ana Səhifə - Yazılar - Həkimdən qabaq molla gəlirsə…
Həkimdən qabaq molla gəlirsə…

Hidayət Elvüsal


Dedim acı, dedim. Dedim ki, məni Türkiyəyə aparmayın, sınıqçı Səlimi çağırın, bir çarə eləsin. Qohum-əqraba, arvad-uşaq sözümə baxmadı. Doxdur Dilqəmi çağırıb mənə iynə vurdurublar, özümü bilməmişəm. Gözümü açanda, başımın üstündə ağxalatlı… imamı, yəni mollanı gördüm. Dilim “imam” sözünə öyrənmədiyindən elə “molla” deyib sızıldadım:

- Sənin nə işin var burda?

- Övladım, senə teskinlik veriyorum.

Bu nədi, ə? Yəqin o dünyadayam və nə yaxşı ki, türk qardaşlarımızın, nətəhər deyərlər, kompakt yaşadıqları cənnətfason bir yerdə. Gücümü toplayıb yenə sızıldadım:

- Arkadaş, biz bir can, iki zadıq…

- Devlatiz efendim, - deyib, sözümü tamamladı.

- Hə onnanıx, qardaş. İndi mən haradayam?

- Hastanedesən, efəndim!

- Nə?!

- Hastanede!

- Məzələnirsən?

Anlamadı. Amma özünü oralara da qoymadı:

- Efendim, AK partinin ömrü uzun olsun. Şimdi hastelere doktorlar yok, hem de bizler, imamlar baxırız.

I… ı… ı… zada düşmədik? Ora!

- Əfəndim, qardaşım, siz xəstənin harasına baxırsınız?

- Her yerine!

- Mənim də hər yerimə baxmısız?

- Maşallah! Pehlevan kimisen. Efendim, biz imam olarak, sizi cennete hazırlayırız. Yani ki, oraya düşməniz üçün her şey yapıyoruz.

- Orda adamınız var?

- Adam şudur, senin yanında, efendim, ben. Ölümden korkma, o güzel bir şeydir. Bu dünyanın ezabından kurtulub, o dünyada hurilərlə...

Kömək elədim:

- Mazaqlaşarıq?

- Nasil?

- Sən davam elə.

- Yeni ki, rahat ol. doktor ne ki? Bir iyne yapar, o da ya düşer, ya düşmez. Yani AK parti imamları şu meseleye koymakta haklı.

Belə… Deməli Türkiyədəyəm. Başımın üstündə molla. Həkim gözə dəymir. Uşaqlar görünmür. Bu da bayaqdan zəvzəyir. Canım ağrıyır. O dünyadayammı, yoxsa bu dünyada bilmirəm. Ən azı can üstəyəm ki, həkim yox, molla kəsdirib başımın üstünü.

Axı, demişdim. Demişdim ki, belə boş şeydən ötrü məni İrana, Türkiyəyə, Almaniyaya, İsrailə aparmayın. Bu marşrutlarda artıq toz qopur, toz. O qədər gedib-gəlmişik ki, canları yığılıb boğazlarına. İranda molla, burda imam, İsraildə paster, Almaniyada konsler… Nə konsler, ə? Deyəsən başım xarab olur.

Nahaq gətiriblər. Axı, bir xəstənin sağalmasında imam nə qələt eləyə bilər ki? Elə o televizora çağırıb, qaranquş kimi düzdükləri həkimlərdən 20-30-nu çağırsaydılar, söhbətlərinə qulaq asardıq, müalicələri özlərinə qalsın. Əllərinlən bir iş gəlsəydi, xəstələr özləri axtarıb tapardı onları. Amma o həkimlər, şou-biznes uşaqlarının toy tutmaq bicliyindən istifadə edib, xəstə tutmaq üçün dəstə-dəstə dırmaşıb çıxırlar televiziya ekranlarına.

Amma bunlar dünənki söhbətdir, dünənki. İndi mən qardaş Türkiyədə, xəstəxanada… başımın üstündə də molla…

Diqqətlə imamın üzünə baxdım. Qardaşın gözündən cin yağırdı. Cənnətə avtobus yola salan dispeçerə oxşayırdı. Buna görə də sakitləşməyə çalışdım. O isə hey danışırdı:

- Efendim AK parti bizlere, yani imamları nikah kesmek yetkisi də verdi. Bizim gıldığımız nigah, belediyyenin nigahı kadar resmi bir şeydir.

- Mekteblerde də…

- Evet, evet, efendim. Okullar da bizim. Cihat, zinalık, erkek eşin reisleyi, birinci sınıflarda öyredilir… Kızlar gelin olmak üçün…

- Yetər!

- Nasıl?

- Kəlmeyi-şəhadətimi oxu, mənim dilim tutmur.

- Efendim, siz daha ölmediniz ki!

- Elə isə özününkünü oxu. Əgər xəstəxanaları da sizə veriblərsə…

Yox! Bizim TV-lərdə boy-boya verənlərə şükür. Hər necə olsa da, həkimlik oxuyublar dəə…

Mollarımız da ən uzağı nəzir yığmaqla məşğul olur.

MÜƏLLİFİN DİGƏR YAZILARI
Leyla Əliyeva qardaşını təbrik etdi: “Nə yaxşı ki, varsan!”   3 Avqust 2021, 00:34 Şəhriyar Məmmədyarov pley-offa vəsiqə qazandı 3 Avqust 2021, 00:23 Deputatlar Eldəniz Səlimova görə toplanır - Son qərar veriləcək 3 Avqust 2021, 00:11 Ronaldo “Real”a qayıtmaq istəyir 3 Avqust 2021, 00:01 Bill Qeyts boşandı   2 Avqust 2021, 23:50 “YAŞAT” 8163 nəfəri öhdəliyə götürüb 2 Avqust 2021, 23:39 Türkiyədə beş gündə 132 yanğın olub   2 Avqust 2021, 23:33 Putin Paşinyanı belə təbrik etdi 2 Avqust 2021, 23:24 Tokio-2020: Daha 4 idmançımız mübarizəyə başlayır 2 Avqust 2021, 23:09 Məmmədyarov Aronyanla heç-heçə etdi 2 Avqust 2021, 23:02 ABŞ Rusiyanın 24 diplomatını ölkədən qovur    2 Avqust 2021, 22:57 Əməkdar artist koronavirusdan öldü 2 Avqust 2021, 22:44 Yaylaqda köməksiz qalan şəxs xilas edildi   2 Avqust 2021, 22:35 Ruslar Türkiyədə qəzaya uğradı: Ölən və yaralılar var   2 Avqust 2021, 22:30 Azərbaycanda zəlzələ oldu 2 Avqust 2021, 22:14 Marmaris bölgəsində yanğınlar şiddətlənib 2 Avqust 2021, 21:54 Türkiyədə daha 91 nəfər virusdan ölüb 2 Avqust 2021, 21:30 “YAŞAT”a yığılan vəsait 62 milyon manata çatır 2 Avqust 2021, 21:19 FHN Türkiyədə yanğınla mübarizəni davam etdirir - VİDEO+FOTO 2 Avqust 2021, 20:31 İyulda yol qəzalarında 74 nəfər ölüb 2 Avqust 2021, 20:15 MN: İtkilərin olması barədə məlumat yalandır 2 Avqust 2021, 19:49 Ermənistan parlamentinin yeni spikeri məlum oldu 2 Avqust 2021, 19:39 Aliment işləri üzrə 37 milyon manata yaxın ödəmə olub   2 Avqust 2021, 19:25 Dövlət sərhədi istiqamətində mövqelərimiz atəşə tutuldu 2 Avqust 2021, 19:20 Azərbaycanda 244 borcluya cinayət işi açılıb 2 Avqust 2021, 19:12 40 kiloqramdan artıq narkotik dövriyyədən çıxarıldı - FOTO 2 Avqust 2021, 18:51 Naxçıvan Qarnizonunda yeni tədris dövrü başladı - VİDEO 2 Avqust 2021, 18:48 Amaliya Pənahovanın barelyefi qoyuldu 2 Avqust 2021, 18:43 Amerikalı məşhur bloger Qarabağdan paylaşım etdi - VİDEO   2 Avqust 2021, 18:38 Namizədlər üçün vakansiya seçimi başlayır 2 Avqust 2021, 18:30 Etibar Mirzəyev Türkiyədə yanğın bölgəsində - FOTO 2 Avqust 2021, 18:21 Düşmənin başına od yağdıran igid - Şəhid gizirin döyüş yolu   2 Avqust 2021, 18:12 İş adamları üçün yeni imkanlar 2 Avqust 2021, 18:08 Satıcı müştərinin pullarını oğurladı   2 Avqust 2021, 18:02 Qorbaçov yenə Qarabağ münaqişəsini XATIRLADI: “Seçdiyim yol düzgün idi” 2 Avqust 2021, 17:56