23 Noyabr 2018, 13:27 | Ana Səhifə - Yazılar - Halaldı, halal!
Halaldı, halal!

Hidayət Elvüsal



Zamirədən tutmuş Ziyaya qədər söküb, yeyib, dağıtmaq istədikləri dövlətimi deyirəm. Keçmiş nazirlər - Əli Abbasovun, Ziya Məmmədovun, Eldar Mahmudovun, Səlim Müslümovun… oğulları bu dövlətin, bu millətin pulunu aparıb Londonda şirkət açırlar. Dövlətimiz hələ də dözür. Millətimiz ayaq üstədir. Hətta pensiyamızı alırıq.

Noulsun ki, Zamirə Hacıyeva milyonlarla dolları oralarda havaya sovurur, heç vecimizə də almırıq. Maaş da alırıq, üstəlik pensiyamız da var. Dövlət də ki, yerindədir.

64 yaşımda hovuza girib “Özümü 40 yaşında hiss edirəm” deyən deputat xanımın evləri, villaları, avtomobilləri… daha nələri və nələri. Noulsun? Hələ də dövlət yaşayır. Ayaq üstədir.

O gün deputat Fəzail Ağamalı dedi ki, keçmiş nazirlərin mülklərini satıb qazilərə, əlillərə paylamaq lazımdır. Niyə? Niyə, deputat? Topdağıtmaz dövlətimiz var. İndi də nazirlərimiz var, icra başçılarımız, başqa məmurlarımız var. Onların sərvətləri, villaları, orada-burada pulları…

Və dövlətimiz var. Nə qədər söküb-dağıtmaq istəsələr də ayaq üstədir. Yaşayır, yaşayacaq! Hələ pensiyamızı da verəcək… Nə olsun ki, pensiyamız o nazir balalarını haram sərvətlərini yanında heç qoz dənəsi boyda da deyil. Amma var! Pensiyamız var! Yevlaxa, Masallıya, hətta Gədəbəyə gedib-gələ bilirik. Hələ siqaret də alırıq. Niyə o saat Zamirə Hacıyevanın milyonlarını gözümüzə soxursunuz? Nazir övladlarının dollar tayalarından bizə nə? Yaşasın Dövlətimiz!

Var olsun pensiyamız! Dünən özümə bir cüt corab da aldım, o keçmiş nazirlərin acığına…

Yox! Özümüzü demirəm. Dövlətimizi deyirəm. O qədər böyük, uca, möhkəm, varlı, şanlıdır ki, bu qədər oğrunun, rüşvətxorun, korrupsionların, satqının, xainin, qarşısında qürurla dayanıb. Ayaq üstədir. Əbədidir.

Və…

Bizə pensiya da verir. Halaldır! Halal!!!

Bax, elə buna görə də deputat Qüdrət Həsənquliyev deyir ki, bizə 8.000 maaş verin, 2.500 azdır. Düz deyir.

Tarixçi deputat:

- Əlilliklə, zəlilliklə dövlətdən pul qoparmaq olmaz!

Düzdür! Dövlətdən pulu Zamirə kimi qopararlar. Səlim Müslümov, Ziya Məmmədov, Əli Abbasov, Eldar Mahmudov kimi… qopararlar. Yoxsa bu əlildir, bu zəlildir, bu qazidir, o veterandır…

Dövlətə bax, İlahi! Möhkəmdir. Varlıdır, güclüdür, əzəmətlidir.

Çünki… onun şəhidi var, qazisi var, fəhləsi, kəndlisi var. Müəllimi, həkimi, əsgəri, polisi, sənətkarı var. Hələ desən pensiyası da var.

Hamı oğru deyil ki…  

MÜƏLLİFİN DİGƏR YAZILARI
AFFA millinin baş məşqçisi De Byazi barədə qərar verdi 2 Dekabr 2021, 12:54 Son 1 həftədə yol qəzalarında 14 nəfər ölüb 2 Dekabr 2021, 12:48 Rusiyada virusdan 1221 nəfər öldü 2 Dekabr 2021, 12:43 Qarabağın azad olunması hər kəsdə özünəinam yaratdı - Nobel mükafatçısı 2 Dekabr 2021, 12:38 “Walt Disney”ə ilk dəfə qadın rəhbərlik edəcək 2 Dekabr 2021, 12:34 Belarus və Rusiya Ukrayna sərhədində təlimlər keçirəcək 2 Dekabr 2021, 12:31 İlham Əliyev ərəb Şeyxini TƏBRİK ETDİ 2 Dekabr 2021, 12:27 Noyabrda 9 nəfər mina qurbanı olub - FAKTLAR 2 Dekabr 2021, 12:25 Sabahın hava proqnozu 2 Dekabr 2021, 12:20 Metroda telefon oğurladı - TUTULDU 2 Dekabr 2021, 12:16 Azərbaycanda İcra hakimiyyətlərinin ləğvi gündəmdə - Cəmi 14 regional icra başçısı ola bilər 2 Dekabr 2021, 12:11 İcra başçısı şəhidin evində olub 2 Dekabr 2021, 12:07 Diaspor nümayəndələrinin Şuşaya növbəti səfəri  2 Dekabr 2021, 12:03 Saakaşvilinin məhkəməsi keçirilir 2 Dekabr 2021, 12:00 Xocavənddə ermənilərin atıb qaçdığı silah-sursat aşkarlandı 2 Dekabr 2021, 11:57 Hikmət Hacıyev: “Azərbaycan bölgənin geosiyasi mənzərəsini dəyişdi” 2 Dekabr 2021, 11:53 ABŞ Dövlət katibi Lavrovla görüşəcək 2 Dekabr 2021, 11:50 2022-ci ilin bayram GÜNLƏRİ açıqlandı 2 Dekabr 2021, 11:45 Üçtərəfli işçi qrup yenidən görüşəcək 2 Dekabr 2021, 11:40 Ermənistandan qənimət götürdüyümüz texnikalar ordumuzun istifadəsinə verilib 2 Dekabr 2021, 11:34 Distant təhsil real təhsili əvəz edə bilmir - Nazirdən etiraf 2 Dekabr 2021, 11:28 Ermənistanda YOLUXMA 2 Dekabr 2021, 11:22 Şəhid pilot Beyləqanda dəfn edilir - FOTO 2 Dekabr 2021, 11:18 30 il UNESCO-dan rəy gözlədik - Prezidentin köməkçisi 2 Dekabr 2021, 11:13 Kamran Əliyev Ukraynadadı 2 Dekabr 2021, 11:10 Türkiyədə 6 PKK-çı saxlanıldı 2 Dekabr 2021, 11:08 Bakıda Tərəfdaşlar Forumu keçirilir 2 Dekabr 2021, 11:05 Piyadanı vuran avtomobil “AA” seriyalı deyil – RƏSMİ 2 Dekabr 2021, 11:02 Mətbuat Şurası jurnalistə güc tətbiq edən DSX mayoru ilə bağlı BƏYANAT YAYDI 2 Dekabr 2021, 11:00 “Azəriqaz”da jurnalistlər üçün “Açıq qapı” 2 Dekabr 2021, 10:57 Rəsmilər Laçında ağac əkdilər - FOTO 2 Dekabr 2021, 10:57 Azay Quliyev ATƏT PA-nın Büro iclasında 2 Dekabr 2021, 10:55 Bir ayda 11 nəfər zəhərlənmədən vəfat edib 2 Dekabr 2021, 10:51 Qarabağda yeni idarəetmə FORMALAŞIR 2 Dekabr 2021, 10:49 Lukaşenko növbədənkənar prezident seçkiləri keçirə bilər 2 Dekabr 2021, 10:44
SORĞU Kommunal xərciniz ən çox hansı xidmətə gedir?