Bu gün ABŞ hərbi qüvvələrinin Əfqanıstanda müharıbə aparmasının 8-ci ili tamam olur. ABŞ-ın rəhbərlik etdiyi qüvvələr 2001-ci ilin oktyabrın 7-dən Əfqanıstanda əməliyyatlara başlayıb. Bundan əvvəl sentyabrın 11-də ABŞ-a terror hücumu olmuşdu. Oğurlanmış təyyarələrin Nyu-Yorkdakı Dünya Ticarət Mərkəzi və ABŞ Müdafiə Nazirliyinin binasına çırpılması nəticəsində üç mindən çox adam həlak olub. Həmin terrorda Əl-Qaidə terror təşkilatı günahlandırılır. Əl-Qaidə üzvlərinin isə Əfqanıstanda gizləndiyi bildirilir.