Modern.az

Məhkəmə hakimlərinə kompüterdə işləmək öyrədiləcək

Məhkəmə hakimlərinə kompüterdə işləmək öyrədiləcək

12 Oktyabr 2009, 12:36

Məhkəmə-Hüquq Şurası, Ədliyyə Nazirliyi və məhkəmələrin əməkdaşları üçün informasiya-kommunikasiya (İKT) texnologiyaları üzrə təlimlər keçiriləcək.

Modern.az Ədliyyə Nazirliyinə istinadən xəbər verir ki, təlimlərin təşkili üçün məsləhətçi şirkət axtarılır. Təlimlər Beynəlxalq İnkişaf Assosiasiyasından "Ədliyyə Sisteminin Müasirləşdirilməsi" Layihəsi çərçivəsində təşkil olunacaq.

Nazirlikdən verilən məlumata görə, İKT təlimlərində təxminən 600 nəfərin iştirakı nəzərdə tutulub. Təlim iştirakçılarına fərdi kompüterlər, internet və ümumi İKT terminologiyaları, kompüterdə çap bacarıqları (sənədlərin yığımı), Microsoft Word, Microsoft Excel, Microsoft PowerPoint üzrə biliklər veriləcək. 

Hakimlərin ayrı qruplarda təlimi planlaşdırılır. Hər bir təlim mövzusunun üç səviyyədə-başlanğıc (əvvəllər kompüterlə iş təcrübəsi olmayan şəxslər üçün), orta (müəyyən təcrübəsi olan, lakin rəsmi təlim almamış və proqramların xüsusiyyətləri barədə məhdud biliklərə malik olan şəxslər üçün), yüksək (güclü bilik və təcrübəsi olan şəxslər üçün) səviyyələrdə təşkili planlaşdırılıb.

Ədliyyə Nazirliyi məsləhətçi şirkətləri müsabiqədə iştiraka dəvət edib. Maraq göstərən məsləhətçilər xidmətlərin göstərilməsi baxımından səriştəli olduqlarını sübut edən məlumatları oktyabrın 23-dək təqdim etməlidirlər. Hər bir işçinin təqribən 3 gün təlim alacağı gözlənilir.

Telegram
Hadisələri anında izləyin!
Keçid et
Rusiyada ağır döyüşlər: Ukrayna partizanları əraziləri bombalayır