14 Aprel 2021, 10:15 | Ana Səhifə - Yazılar - Bakıda bir şəhid anası var…
Bakıda bir şəhid anası var…

Elçin Alıoğlu


"Evlərinin önü yonca,

Yonca qalxmış dam boyunca, dam boyunca"...

... Bakıda bir şəhid anası var.

Hər səhər erkəndən durur, oğluna çay dəmləyir, yemək hazırlayır. Sonra köynəyini ütüləyir, oğlunun sevdiyi ətiri qoyur dəhlizdəki komodun üzərinə. Ki, işə gedəndə aramasın.

Sonra oturur mətbəxdə masanın arxasında, çənəsini əlinə dayayıb gözləyir.

Səbri tükənir, səslənir:

- Haradasan, ay bala?! Gecikirsən axı, yenə güzgünün qabağındasan?

Gözləyir...

Səbri daşır, yenə çağırır:

- Bala, ay bala! Soyudu axı hər şey...

Yerindən durub, dəhlizə çıxır. Gözləyir.

Deyinərək qayıdır mətbəxə:

- Bax, işə gecikəcək...

Oğlunu gözləyərkən telefonuna baxır.

Oğlunun sevdiyi mahnı var - "Evlərinin önü yonca". Astaca qulaq asır.

Oğulsa gəlib çıxmır.

Gerçəkdən də, işə gecikəcək.

Ana köks ötürür, "Bu niyə belə tənbəl oldu, kimə oxşadı?" deyibən oğlunun atasını, 18 il əvvəl haqqa qovuşmuş ərini xatırlayır, "Allah sənə rəhmət eləsin, sənə bənzəyib də" söyləyib xəfifcə gülümsəyir.

Saatlar keçir.

Divardakı saata baxır. "Harada qaldı bu, iş vaxtı bitib, yenə dostları ilə kim bilir haradadı". Oğluna zəng vurur. Çağırış, çağırış, çağırış, cavab yox.

"Götürmür telefonu, başı qarışıb yenə".

Oğlu ilə yazışmalarına baxır.

"Mama, bəsdi də, bu uşaqlıq şəklimi yollama mənə".

Gülümsəyir.

Şəkildə 3 yaşı var. Bağçanın qarşısındadı, skamyanın önündə. Başında ağ panama, əynində ağ köynək.

Əlindən elə tutub ki. Hirslə, qəzəblə, ümidlə. Qaşlarını çatıb.

Elə o vaxtdan xoşlamır şəkil çəkdirməyi.

Hə, bu şəkildə birinci sinifə gedir. Hələ şagird deyil, məktəbin önündədi. Əlində çiçəklər, yuxulu, acıqlı, ürkək, söz desən ağlayar - ana gedəcək axı, burada tək qoyacaq onu axı.

Bax, bu şəkildə isə son zəngdi məktəbdə. Gülümsəyir. Yanaqları allanıb, eynən atası kimi.

“Mama, narahat olma. Cəbhədə deyiləm”

“Mama, hər şey yaxşıdı. Narahat olma”

“Mama, az qalıb, qayıdırıq. Narahat olma”

Oğul gecikir.

Yenə zəng vurur.

Çağırış, çağırış, çağırış.

Cavab vermir.

Divardan baxır oğul anasına.

Gülümsəyir.

Ana kim bilir neçənci dəfədir oğluna baxır, baxır, baxır, sonra durub o fotonu silir, ağlayır, pıçıldayır oğluna.

Oğlunun geyimlərini basır bağrına. Bağrındadı övladı, ətri, qoxusu, özü.

"Evlərinin önü darçın,

Fələk qoymur gözüm açım, vallah açım..."

... O evin yanından keçəndə, bu mahnını eşidəndə bilirəm ki.. Bilirəm ki, oğul anasının yanındadır.

Ananın köksündə döyünür, ürəyinin yanında...

Və hər dəfə o pəncərədən gələn, yayılan, səmaya yüksələn o mahnını eşidəndə bilirəm ki, oğul anasının yanındadı.

Ana oğlu ilə danışır.

Bakıda bir şəhid anası var.

Bakıda bir Vətən var.

Bakıda əbədi 19 yaşlı qalacaq gəncin qəlbi var.

Hərdən başınızı qaldırın, səmaya baxın.

Əbədi gənclər gülümsəyirlər bizə baxıb.

Nə xoş simaları var….

 

MÜƏLLİFİN DİGƏR YAZILARI
İspaniya millisi Polşa səddini keçə bilmədi 20 İyun 2021, 00:58 Şəmkir sakini özünü asdı 20 İyun 2021, 00:51 Gürcüstanda zəlzələ oldu 20 İyun 2021, 00:34 "Qalatasaray"a yeni prezident seçildi 20 İyun 2021, 00:30 Dağıstandan Bakıya aviareyslər açılır 20 İyun 2021, 00:14 Bu gün Bakıda avtobuslar İŞLƏYƏCƏK 20 İyun 2021, 00:01 Britaniyada yoluxma sürətləndi 19 İyun 2021, 23:50 Xəzərdə batmaqda olan 3 nəfər xilas edildi 19 İyun 2021, 23:36 İstanbulda fabrikdə güclü yanğın - VİDEO 19 İyun 2021, 23:25 Qazaxda yol qəzası 19 İyun 2021, 23:11 Cəlilabadda meşədə yanğın - FOTO 19 İyun 2021, 22:59 Samuxda gənc müəllim intihar etdi 19 İyun 2021, 22:45 "4 ildir gözlədiyimiz turnirlə erkən vidalaşmaq istəmirik" - Şenol Günəş 19 İyun 2021, 22:37 4 uşaq anası “Mən özümü Kürə atacam” yazıb intihar etdi 19 İyun 2021, 22:22 Oğuzda yol qəzası - xəsarət alan var 19 İyun 2021, 22:08 Ronaldolu Portuqaliya Almaniyaya uduzdu 19 İyun 2021, 21:53 Türkiyədə virusdan gündəlik ölənlərin sayı azaldı 19 İyun 2021, 21:47 Naftalanda sanatoriyada istirahət edən kişi qəflətən öldü 19 İyun 2021, 21:33 "Barselona" yeni hücumçu aldı 19 İyun 2021, 21:24 Finalda erməniyə qalib gələn güləşçimiz Avropa çempionu oldu - FOTO 19 İyun 2021, 21:11 Ermənistanda seçicilərə rüşvət verən deputatlığa namizəd saxlanıldı 19 İyun 2021, 20:58 Kürdə gənc qadın batdı 19 İyun 2021, 20:43 Putin Şoyqu və Lavrovu deputat görmək istəyir 19 İyun 2021, 20:28 Macarıstan millisi dünya çempionu ilə heç-heçə etdi 19 İyun 2021, 20:15 Rəsmi Bakıdan Ermənistana CAVAB 19 İyun 2021, 20:07 İstanbulda zəlzələ olub 19 İyun 2021, 18:39 Prezident TƏSDİQLƏDİ – Sosial sığorta şəhadətnaməsi ləv olunur 19 İyun 2021, 18:17 İlham Əliyev İranın yeni seçilmiş prezidentini təbrik edib 19 İyun 2021, 17:57 Ermənistanın Azərbaycana qarşı mina şantajı – Partiya sədrindən REAKSİYA 19 İyun 2021, 17:44 Şuşa Bəyannaməsi ölkəmizdəki siyasi birliyi daha da möhkəmləndirəcək 19 İyun 2021, 17:31 Bir gündə 40 min çox peyvənd VURULDU 19 İyun 2021, 17:23 Yoluxma sayı bu gün də azaldı: ölən yoxdur 19 İyun 2021, 17:19 İranda seçkilərin rəsmi nəticələri elan olundu – Rəisi prezidentdir 19 İyun 2021, 17:15 Ermənilərin seçimi kim olacaq: Paşinyan yoxsa Koçaryan? - ŞƏRH 19 İyun 2021, 17:07 Putin ən çox etibar etdiyi 5 partiyadaşının adını SADALADI 19 İyun 2021, 16:39
SORĞU AVRO-2020-nin qalibi hansı komanda olacaq?