Marşal adaları bayrağı altında günəbaxan tumları daşıyan “Thoe” quru yük gəmisi Ukraynanın Çernomorsk limanını tərk edərək Türkiyəyə doğru hərəkət edir.
Modern.az TASS-a istinadən xəbər verir ki, bu barədə “Marine Traffic” gəmi izləmə xidməti məlumat yayıb.
Bakı vaxtı ilə saat 08:35-ə olan məlumata görə, gəmi Ukrayna sahillərindən iki dəniz mili aralıda olub. Göyərtəsində 2900 ton yük olan “Thoe” Türkiyənin Tekirdağ limanına yollanır.
