Ukrayna limanlarından kənd təsərrüfatı məhsulları daşıyan daha 5 gəmi yola düşüb.
Modern.az xəbər verir ki, bu barədə Türkiyə Milli Müdafiə Nazirliyi məlumat yayıb.
Bildirilib ki, gəmilərdən 3-ü Çernomorsk, digər 2-si isə Yujnıy limanlarından yola çıxıb.
Məlumatda qeyd olunub ki, İstanbulda yerləşən Birgə Koordinasiya Mərkəzinin marşrutunu izlədiyi gəmilər Rumıniya, Türkiyə, Cibuti, Cənubi Koreyaya buğda və qarğıdalı daşıyır.
